Рахметова Лаура

           «Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында» деп Елбасымыз Н.Ә.Назарбаев айтқандай, қазіргі заманғы ғылыми-техникалық үрдістің даму қарқыны білім беру жүйесінің алдына жаңа міндеттер жүктеп отыр.
     Заман талабына сай, бәсекеге қабілетті жан-жақты жетілген кәсіби  мамандар  даярлауда математиканың алатын орны ерекше.

«Математика- ғылымдар патшайымы» деп бекер айтылмаса керек. Қандай мамандық саласын алсаңыз да, математикасыз оның болашағын елестетуге болмайды..

Гуманитарлық колледжі заман талабына сай, сұранысқа ие бірнеше кәсіби мамандықтар бойынша білікті мамандар даярлайды. «Бастауыш сынып мұғалімі», «Мектепке дейінгі тәрбие және оны оқыту», « Ақпараттық жүйелер», «Есептеу техникалары автоматтандырылған жүйелерді бағдарламамен қамтамасыз ету»мамандықтардың болуы әр түрлі математикалық пәндердің оқытылуын қажет етеді. Атап айтсам, математика, оны оқыту әдістемесі, математиканың бастауыш курсының теориялық  негіздері, математикалық логика,  ықтималдықдақтар теориясы мен математикалық статистика, өндірістік және экономикалық процестерді моделдеу.                  Сондықтан да колледжде математикалық  пәндерді оқытудың өзіне тән ерекшеліктері бар:

1. Мамандықтарға сәйкес математиканың жалпы курсын жалпы білім беретін мектептермен салыстырғанда берілетін оқу сағаттарының аздығы 2. Оқушылардың базалық математикалық дайындық деңгейлерінің әр түрлі болуы 3. Әр мамандыққа сәйкес жұмыс бағдарламаларының мазмұны олардың болашақ кәсібіне таңдалып алынады Осылардың барлығын ескере отыра біз өз жұмысымызды өзгеше жоспарлаймыз. 1. Әр мамандыққа сай әр оқытушы жұмыс бағддарламасын құрастыра отыра, оқу-әдістемелік кешендерін әзірлейді 2. Оқу үрдісінде оқу материалдарының практикалық бөлімін мамандыққа сәйкес таңдап оқыту

        Қазіргі таңда кез келген пәнді меңгертуде инновациалық тхнологияларсыз жақсы нәтижеге қол жеткізуге болмайды. Әрине, бізде математика сабақтарында осы тиімді технологяларды қолданамыз, қолданып жүрміз. Өзіміздің тақырыбымызға сәйкес кәсіби мамандар даярлауда математиканы оқытудың нәтижеге бағытталған жаңа моделі – оқу-білім порталы деп есептейміз. Математика күрделі пән екендігі бәрімізге белгілі. Мен алдында айтып кеткендей, бізге келетін көп оқушылар матемаиканы өз болашағымен байланыстырмайды. Біздің математика пәндері оқытушылардың алдында тұрған мақсат, балаларды қызықтыру, олардың болашақта өз өмірлерінде, жұмыстарында математиканың қажеттілігіне көз жеткізе отыра жаңаша көзқараспен оқыту.  Осындай проблемаларды шешуде оқу-білім порталының көмегі ерекше. Оқу-білім порталына интернет арқылы шығады.Интернет арқылы жұмыс істеу балаларды өте қызықтырады. 
      Оқу-білім порталы оқушыларға өздігінен жұмыс істеуге итермелейді. Порталға оқытушылар алдын ала салынған  дәрістер, практикалық жұмыстар, тестік тапсырмалар, әдістемелік нұсқаулар, өз-өздерін тексеретін, бағалай алатын жұмыстармен жұмыс істеуге мүмкіндігі бар. Алған бағаларын, ұпайлар сандарын олардың ата-аналары да қарап таныса алады.
 Бұдан шығатын қорытынды:

- Оқушының қызығушылығын арттырады; - Әрбір оқушыға өздігінен білім ала білуіне жағдайлар жасайды - Болашақта математиканың қажеттіліген түсіне білуіне көмегін тигізеді Ал оқытушыға: - Нәтижеге қол жеткізуге, уақытын үнемдеуге, жаңашылдықпен ізденуге жетелейді.

        Қорыта келе, осы форумның математика пәндерінің алдында тұрған мәселелерді шешуге, пікір алысуға, тәжірибе алмасуға бірден-бір көмегін тигізетіні даусыз.