Алма қосылған құймақ
Екі адамға арналған рецепт.
Қажетті тағам түрлері
өңдеу5 ас қасық ұн, жарты литр айран, 2 жұмыртқа, 100 г өсімдік майы, орташа мөлшердегі 5 алма, 3 ас қасық қант ұнтағы және дәміне қант пен тұз.
Дайындау тәсілі
өңдеуЖұмыртқаны миксер немесе қол бұлғауышпен біркелкі қоймалжың болғанға дейін араластырады. Оның үстіне айран, қант, ұн және шамалы тұз қосып бұлғайды. Қамыр қою болуы тиіс.
Алманың сыртқы қабығын аршып, дәнінен тазартады. Оны жұқа тілімдер жасай отырып турайды. Одан кейін табаға аздап май құйып, ол әбден ысығаннан соң оған бір ас қасық мөлшеріндей қоймалжың қамыр құяды. Ал оның түбі сарғайып, жоғарғы жағы әлі де шикі болып тұрған кезде алма тілімдерін салып, үстінен аздаптағы бір қасық қамыр құяды. Сәлден соң құймақтың келесі жағын аударып пісіреді. Қүймақ піскеннен кейін оттан түсіріп, жайпақ табаққа салады. Бұл тағам түрін дастарқанға қоярда жанжағын ақжелкенмен безендіріп, қант ұнтағын себеді.