«Дәрумен» салаты

Төрт адамға арналған рецепт.

Қажетті тағам түрлері

120 г картоп, 120 г қызанақ, 120 г тәтті болгар бұрышы, 100 г қияр, 80 г маринадталған саңырауқұлақ, 1 дана пияз.

Тұздыққа

3 ас қасық өсімдік майы, сарымсақтың 2 бөлігі, қажетіне қарай жүзім шарабы, қызыл бұрыш, тұз және аскөк пен ақжелкен.

Дайындау тәсілі

Картопты алдын ала пісіріп дайындап алу қажет. Сонсоң картоп, саңырауқұлақ, қияр және қызанақты тілімдеп турайды. Ал бұрышты ұзыншақтап жұқалап, пиязды дөңгелектеп турайды.

Тұздық әзірлеу үшін сарымсақты ұсақтап турап, оған май, бұрыш, тұз және 2 ас қасық жүзім шарабын құйып, жақсылап араластырады.

Арнайы салат ыдысына саңырауқұлақ пен көкөністерді кезек-кезегімен салып, үстіне тұздықты құйып, аскөк және ақжелкенмен безендіреді. Осымен «Дәрумен» салаты әп-сәтте дайын болды. Бұл салат түрі дәруменге бай болғандықтан, әсіресе көктем уақытында адам ағзасына өте пайдалы болмақ.